Kovara Jîneoojî 7 serrê xo qedînayê

• Endama kovare Rojda Yildiz va, “Cinîyî her cayê dinya de raştê tehdayî yenê, raştê şidetê cinsîyî yenê û krîzê komele roje bi roje pîl beno. Ma do prosesêkî winasî de, 8ê Adare de 7 serrîya xo pîroz bikerê.”

Endama kovare Rojda Yildiz va, “Cinîyî her cayê dinya de raştê tehdayî yenê, raştê şidetê cinsîyî yenê û krîzê komele roje bi roje pîl beno. Ma do prosesêkî winasî de, 8ê Adare de 7 serrîya xo pîroz bikerê.” 

Kovara teorî û zanistî ya Jîneolojî 7 serran ra ver bi sloganê ‘Zanisto ke derûdorê cinîyan de awan bibo, gama raşte ya ke ver bi sosyoyojîyê raştikênî erzîyena ya’yî dest bi weşanê xo kerd. 8ê Adare 2016î de bi dosyaya ‘Krîzê Zanistanê Sosyalî û Jîneolojî’yî hûmara xo ya verêne vete. Jîneoojî, dormaleyê heqîqetê cinîyan, xopawitişo xoser, xozaya cinîya, xozaya camêrdan, cuya pîya ya azade, etîk, estetîk û polîtîkayanê perwerdeyî de awan bîyo.

Jîneolojî çi yo?

Rojda Yildiz va, “Awanbîyayîşê zanistê Jîneolojîyî; keda zereyê keyeyî ra, cuya şexsî ra heta polîtîkayanê makroyan, meseleyanê bingeyînan ra mîrazê xo geno û zanistî newe ra muneno. Ewro zanistê sosyalî bîyê wasitaya pay ra vindarnayîşê kapîtalîst modernîteyî. Dewletê netewî yê ke awan bîyê, zanistê sosyali raştê mudexeleyan ameyê.”

‘Jîneolojî seba ke probleman rê çareserîyan bivîno ame awankerdiş’

Rojda Yildiz va, “Wexto ke meseleyêk raşt tehlîl mebo, çareserîya ci zî raşt tehîl nêbena. Ma hema zaf sereyi de yê. Ma wazenê derheqê meseleyan de vateyê ma yo alternafîf bibo. Vateyêk vano, ‘Feylesofan heta ewro derheqê dinya de şiroveyî kerde û kes seba bedilnayîşî nêfikirîya’. Ma heta ke awanbîyayîşê zanistî nêbedilnê, ma nêşkenê dinya bibedilnê. Jîneolojî wazeno çewtîyanê nê wareyî de vateyêk vajo. Xususen zî têduştnêbîyayîşê cinî û camêrdan û meseleyanê cîya-cîyayan de. Ma do hûmara xo ya newîye de bi dosyaya cinsîye bivejîyê. Nê meseleyî komela ma de sey mehremî yenê vînayene la hewceyê cigêrayîşî yê. Esasen ma vînenê ke faşîzm mabeynê di kesan de dest pêkeno û dima komele mîyan ra vila beno. Ma wazenê meseleyanê komelkîyan bi tarîxî û rojene bigerê dest û înan raşt analîz bikerê. Ma xo rê kerdo wezîfe ke, gelo ma eşkenê cuyêka hîna rindeke awane bikerê.”

JINNEWS / AMED