Cinîyan xeyalê Nagîhan Akarsele Silêmanîye de berd sere

Cinîyanê çar leteyanê Kurdistanî Silêmanîye de ameyê têhet û hetê înan ra Merkezê Cigêrayîş, Arşîv û Kitabxaneyê Cinîyanê Kurdan ame akerdene.

Edîtora Kovara Jineolojîyî endama xebatanê Jineolojîyî Nagîhan Akarsela ke Silêmanîye de cinîyan ser o xebatê xo ramitêne, 4ê Teşrîna Verêne 2022yî de Silêmanîye de bi hêrîşêka çekdarî ameye qetilkerdiş. Verê kiştişê xo Akarsele Kitabxaneyê Cinîyanê Kurdistanî ser o xebitîyayêne. Kurdistan û teberê welatî ra 300 cinîyî Silêmanîye de ameyê têhet û hetê înan ra Merkezê Cigêrayîş, Arşîv û Kitabxaneyê Cinîyanê Kurdan ame akerdene.

Merasîmê akerdişî de verî qiseykerdişî ameyê kerdene. Dima derheqê xebatanê Nagîhan Akarsele yê kitabxaneyê cinîyan de sînevîzyonêk ame temaşekerdene. Sînevîzyonî ra dima komêka muzîkî ya cinîyanê Başûrî vejîyaye sehneyî ser. Bername bi deyîranê deyîrbaza Rojhelatije Jîna Sakize qedîya.

XWEBÛN