Kurt û Kurmancî dest pêkeno

Nûçeyên Çand/Huner

çarşem 12 Çileyê 2022 - 00:07

  • Festîvalê Fîlman yê Kurt û Kurmancî yo ke tena fîlmê qasê deqeyêk eşkenê beşdar bibê eşkera kerd ke, serepiradayîşê festîvalî qedîyayê û pêropîya 47 fîlmê qasê dedeyêk beşdarê ffestîvalî bîyê. Festîval, înan ra 16 fîlmî weçînayê û keyepelê ‘mihrican.sinemayakurdi.net’î ser ra pare kerdo ke fîlmî bêrê temaşekerdiş.

Festîvalê Fîlman yê Kurt û Kurmancî, hetê sinemyakurdi.net û Tor Fîlmî ra yeno organîzekerdiş. Festîval seba ke bale bianco Zimanê Kurdkî ser, emser babeta festîvalî sey ‘Zimanê Kurdkî’ eşkera kerdibî û waştibi ziwanî ser fîlmê qasê deqeyêk bêrê antiş.

Ma do raya xo dewam bikerê

Ardîn Dîren, berpirsîyaranê festîvalî ra Ferat Kevirî de dereqê festîvalî de qisey kerdo. Kevirî dîyar kerdo ke înan pawiteêne ke humara fîlman hîna zêdo bo la fîlmê ke ameyê zî kêm nîyê û no seba festîvalÊkî qijkekî xirab nîyo. 

Çira ma Kurdkî mebê vengêk

Ziwanê Kurdkî, seyan serran ra nat ameyo qedexekerdiş û ma zî sey festîvalî waşt babeta festîvalî ya emserî wa bibo ‘Ziwanê Kurdkî’. Kevirî va, “Dewletanê serdestan nêverdayo Kurdkî bikewo mektebe û zaningehan. Zemanêk teber de zî qiseykerdişê Kurdkî qedexe bi. Înan Kurdkî kerdo ziwanê keyeyî û serranê peyênan de wazenê înternet û medyaya sosyale ser ra polîtîkayanê xo xorîn bikerê. Ma zî waşt nê wazîyetî bikerê fîlm û vila bikerê”.

Jurîyî temaşekerdox ê

Jurîyê Festîvalî temaşekerdox ê. Temaşekerdoxî eşkenê keyepela sinemayakurdî.net’î ra fîlman temaşe bikerê û reyanê xo bidê. Berpirsîyar Ferhat Baysalî nê derheqî de va, “Ma nêwaşt berpirsîyanê fEstîvalî ra komêka jurîyan biweçînê û ma waşt wa temaşekerdoxî mîyanê gureyî de aktif ca bigerê û fîlman zî ê biweçînê”.

AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.