- Vedat Yildirim derheqê proje û xebatanê xo de roportajêk dayo. Yildirim vano muzîkê ma koçberîye ra peyda bîyo.
Vedat Yildirim derheqê proje û xebatanê xo de roportajêk dayo. Yildirim vano muzîkê ma koçberîye ra peyda bîyo.
Vedat Yildirim serran ra nat mîyanê grûba ‘Kardeş Turkuler’î de kede dano û reyna ma ey grûba ‘Bajar’î ra zî şinasnenê. Vedat Yildirim raşta zî muzîsyenêko qelîteyin o. Yildirim û emzazê ci grûba Bajarî de muzîkê rockî kenê. Yildirim vano, “Ma wexto ke wendekar bî, ma tim goşnayenê grûbanê rockî yê namdaran ser. La dima ma Kardeş Turkulerî mîyan de kede da û grûbe waştêne mîrasê verênan bikirişna ameyoxî. Grûbe dima rayîrê xo dî û ma zî grûba Bajarî na ro. Grûba Bajarî rewşanê koçberîye ra peyda bîya. Ma Ciwan Haco û Koma Wetanî ra zaf tesir girewt. Xora Ciwan Haco rockê Kurdkî de zaf taybet o. Ciwan Haco bi muzîsyenanê xerîban soundê qelîteyinî pêgirewtî. Tembûre viste mîyanê rockî. No raşta zî karêko zaf zehmet o.
‘Kurdkî vatiş bi xo protest o’
Vedat Yildirim vano, “Protestîye goreyê rewşanê ca û tarîxîyan dîyar bena la ti wexto ke muzîkê Kurdkî îcra bikerê, ti xora benî protest. Deyiranê ma de ekseri rewşê koçberan estê la tayê deyîrê ma yê raşta zî protest estê.” Vedat Yildirim derheqê dengbêjîye de vano, “Kulturê dengbêjîye bingeyê muzîkê Kurdkî yo. Nika ez vînena ke ciwanî kilaman bi elektronîk muzîkî têmîyan kenê. Raşta zî nimûneyê başî estê la dengbêjî sîstemêko zaf cîya yo. Ez nê karanê winasîyan sey çîyêkî neweyî nêvînena.”
* Xeberê Mahmut Çinar ê Gazete Duvar di ameye girewtiş.
parvê bike
Nûçeyên ku dikare bala we bikşîne
