MKM: Ganî Emel Çîftçî cade bêra veradayîş

Hunermend Emel Çîftçî ya ke tedawîya kanseri dîyêne ameye girewtene. Hetê MKMyî ra gazî ameye kerdene ke wa cade bêra veradayîş.

Hunermend Emel Çîftçî, Amed de wexto ke seba tedawîya xo şîyêne nêweşxane hetê polîsan ra gêrîyaye binê çimî û bi îdîaya ‘îdarekarîya rêxistinî’ ameye girewtene. Hetê Merkezê Kulturî yê Mezopotamyayî ra derheqê girewtişê Çîftçî de malumatêko nuştekî ame dayene. Malumatê MKMyî de ame dîyarkerdiş ke vera kultur, huner û ziwanê Kurdan hêrişê îqtîdarî dewam kenê û girewtişê Çiftçî zî înan ra yew a.

Dewamê malumatî de ame vatiş ke, “Kedkarê kultur û hunerê Kurdan raştê nê kerdenan yenê û no zî tesaduf nîyo. Hol zanê ke şarêk tena eşkeno bi kulturê xo vajo ma estê. Wazenê bin ê girrewtişan nasnameyê cinîya Kurd a azade hedef bigerê û politikaya xo ya qirkerdişî biramnê. Ma pêro hevalanê xo û kedkaranê kultur, huner û ziwanî rê gazîye kenê ke wa vengê xo berz bikerê. Ganî Emel Çîftçî cade bêra veradayîş.”

MA / ÎSTANBÛL