Hetê MKMyî ra çalakîya şewa dengbêjan ameye viraştene

Xeylê kesî şewa dengbêjan de ameyê têhet.

MKM(Merkezê Kulturî yê Mezopotamyayî)yî, awanîya xo de çalakîya şewa dengbêjan viraşte. Xeylê kesî şewe de ameyê têhet. Dengbêj Kerîmê Jîrkî, Evîn Sindî û Mihemedê Serhedî kilamî vatê.

Şewe de bale ancîyaye polîtîkayanê asîmîlasyonî ser û muhîmîya kulturî ser o erjnayîşî ameyê kerdene. Çalakîye de ‘Mîrê Zele’ Egîdo Cîmo zî bi wesîleya serrgêra wefatê xo ame yadkerdiş. Derheqê xebatanê ey û cuya ey de qiseykerdişî ameyê kerdene. 

Hetê dengbêjan ra xeylê kilamî ameyê vatiş. Dengbêj Xalîde zî çend kilamî vatê. Şewa dengbêjan, bi şayîye û bi çapik û tilîlîyanê goşdaroxan qedîyaye.

MA / ÎSTANBÛL