Partîya Çep a Keske û HDP do 1ê Êlule de mîtîng virazê

1ê Êlule Roja Haştîye ya Cîhanî de do hetê Partîya Çep a Keske û HDPyî ra mîtîng bêro viraştene.

Partîya Çep a Keske û HDP do 1ê Êlule Roja Haştîye ya Cîhanî de mîtîng virazê. Derheqê mîtîntî de malumatêk ame dayene û gazîya beşdarbîyayîşî zî ameye kerdene. Hemverfekê Partîya Çep a Keske, Hemserekê HDPyî yê Amedî û endamê rêxistinanê komelê sivîlî bîyê beşdarê kombîyayîşî. 

Komel binê şer û tecrîdî de yo

Kombîyayîşî de Hemverfekê Partîya Çep a Keske yê Amedî Abbas Şahînî qisey kerd û va, “8 serrî yo komel yeno fetisnayîş û binê tecrîdî de yo. Waştişê haştîyane zî bêcewab manenê. Her roje xoza yena qirkerdene û kesê ke vera nînan de vindenê zî raştê şîdetî yenê.”

Muxalefeto komelkî lazim o

Şahînî dîyar kerd ke her ca bîyo sey hepisxaneyî û va, “Ma sey rêxistinanê komelê sivîlî û partîyanê sîyasîyan vanê ke; mefteyê nê kerdenanê faşîzanan ra xelisîyayîşî sîyaseto demokratîk û rayraberdişê ci yo. No zî encax bi mufaletefê komelkî û xoverdayîşî beno.”

Şahînî dima seba 1ê Êlule gazî kerde û nîya va, “Ma zanê ke seba ke haştîya komelkî awan biba ganî şarî birasê cuyêka têduşt û azade. Ma ganî waranê demokratîkan înfasanê faşîzanan û otokratîkan meverdê. Coka ma do 1ê Êlule de Meyadanê Îstasyonî de mîtîng virazê. Ma pêroyê şarê Amedî û şarê mintiqa silaynenê û înan pawenê.”

YENÎYAŞAM / AMED