Waştişê serekeyî yê 1ê Êlule: Azadîya Abdullah Ocalanî

• Beşdaranê mîtîngê 1ê Êlule yê Wanî azadîya Abbullah Ocalanî waşt

Mîtîngê 1ê Êlule yê Wanî yo ke hetê HDPyî ra amebi organîzekerdişî de xeylê kesî ameyê têhet. Mesajanê mîtîngî de gazîya wedardişê tecrîdî û qedînayîşê polîtîkayanê şerî ameye kerdene.

Waştişo sereke wedartişê tecrîdî yo

Beşdaranê mîtîngî ra Mehmet Yilmazî va, “Ma haştîye wazenê û ma nê wazenê hîna zêde gonî birişa. Ganî Birêz Abdullah Ocalan azad bo. Pê şerî çîyêk safî nêbeno. Kurdî ke bibê yew, tecrîd o wext yeno şikitiş.”

Waştişê haştîye

Beşdarê mîtîngî Şemsettîn Kayayî va, “Tecrîdî ver çar leteyê Kurdistanî de şer esto. Çar leteyan de zî qetlîamî estê. Dewlete wazena Kurdan çin bikera. Ma tecrîdî qebul nêkenê û nê kerdenan şermezar kenê. Çira PDK keweno mîyanê nê şerî? Ganî Kurdî bibê yew û xoverdayîşê xo pîl bikerê. Wan de her keyeyî ra şehîdî estê. Ganî Kurdî vateyê xo bikerê yew.”

Ma dewaya xo nêteriknenê

Beşdaran ra Tayyîbet Geçkîne va, “Cinazaya Hakan Arslanî mîyanê tewreyêk de dîyaye keyeyê ci. Ez dewleta Tirkîya şermezar kena. Ma dewaya xo nêteriknenê. Ê se kenê bikerê, ma do dewaya xo mekeriknê.”

Beşdaranê mîtîngî ra Gulîzar Goçeke zî va, “Ma wazenê wa tecrîdê serokatî bêro wedartiş. Ma wazenê wa no şero leyşin biqedîyo. Hinî wa dayîkî hêsiran war mekerê. Ma haştîye wazenê. Ganî Kurdî bibê yew û pêro pîya xo ver bide.”

MA/WAN