Pêşengeya Dayîkanê Şemeyî

Nûçeyên Komel û Cuye

çarşem 18 gulanê 2022 - 16:07

  • Şûbeya Komeleya Heqanê Merdiman a Îstanbûlî de pêşengeya Dayîkanê Şemeyî abîye.

Şûbeya Komeleya Heqanê Merdiman a Îstanbûlî de pêşengeya Dayîkanê Şemeyî abîye.

Pêşengeye de merdimê vîndîbîyayîyan, wekîlê Hdpyî û xeylê kesî ameyê têhet. Pêşengeye de bi nameyê ‘Cinîyê ke binê çimî de ameyê vîndîkerdiş’, ‘Faîlî dîyar ê, vîndîbîyayeyî ça de yê’, ‘Domanê ke binê çimî de ameyê vîndîkerdiş’, ‘Vera vîndîbîyayîyanê 1995-95î mucadele’ û ‘Ma lîsteya vîndîbîyayîyan ney lîsteya vîndîkerdoxan wazenê’yî kategorîyî ca girewtê. Pêşengeye fotografanê Kargeha Belge-Fotografî ya Komalî û Raştîye ra ameyê antene. 

‘Ma do xo vîrî ra mekerê’

Wekîlê Hdpyî yê Îstanbûlî Mûsa Pîroglûyî va, “Nê fotografî aîdê vîyarteyî nîyê, nê fotografî xulasayê dewlete yê. Dewlete her het ra hêrîşê xo zêdînayê. Ma do vera nê sucan xo ver bidê. Ganî faîlî tespîp bibê û ceza bigerê. Ê do vîndî bikerê û ma do bi xoverdayîşî her çîyî roşn bikerê û ma do çirey xo vîrî ra mekerê.”

‘Hezar serrî bivîyerê zî ma do xo ver bidê’

Waya Hasan Ocakî yo ke amebi vîndîkerdiş Masîde Ocake va, “Nê fotografî seba xoverdayîşê ma zaf muhîm ê. Ez fotografkaran rê zaf spas kena. Hezar serrî bivîyerê zî ma do xo ver bide.” Pêşengeye do mabênê 17-31ê Gulane de akerde bimana.

MA / ÎSTANBÛL

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.