Komeleya Heqanê Merdiman ra ‘Nobeta Haştîye’

Seba ke şer bêro qedîyayîş û azadîyî bêrê pawitene, hetê Komeleya Heqanê Merdiman ra ‘Nobeta Haştîye’ ameye girewtene.

Hetê Komeleya Heqanê Merdiman ra 9ê Êlule ra nat nobetê haştîye yenê girewtene. ‘Nobeta Haştîye’ narey awanîya Komeleya Heqanê Merdiman a Dîyarbekirî de ameye girewtene. Hetê Meclîsa Dayîkan a Haştîye û OHDyî ra paştî dîya nobete.

Nobete de Serekê Komeleya Heqanê Merdiman a Dîyarbekirî Abdullah Zeytunî qisey kerd û va, “Seba ke haştîye awane biba, ganî hetê komelî ra bêra waştiş û biba komelkî. Ma ganî vera şerî haştîye bipawê. Ganî prosese haştîye newe ra bêro awankerdiş. Seba ke haştîye bi edalet, heqîqet û têduştîye bêra awankerdiş, ganî pêro pîya xoverdayîşêk bêro dayene.

Nobeta Haştîye hetê temsîlkaranê xeylê rêxistinanê sîvîlan ra ameye zîyaretkerdiş. Dayîka Haştîye Afîfe Kartale va, “Ma serran ra nat xoverdayîşê edaletî danê. Ma do ewro zî xoverdayîşê xo yê edalet û haştîye biramnê.”

MA / AMED