Pêşengeya Sînemaye ya Gerokî ya Kurdan ‘Rewend’ Madrîdî de ya
sêşem 10 gulanê 2022 - 16:17
Çalakî hetê Kolektîfê Rojava Azadî Madrîdî ra ameya organîzekerdiş.
Sînemaya Geroke ya Rewend do mabênê 2-4ê Hezîrane de Madrîdî rê biba mêmane. Pêşengêya Sînemaye ya Geroke de do xeylê fîlmî bêrê mojnayene. Projeya Rewendî bi 2015î de bi tedeyîya Komîna Fîlm a Rojavayî de ameybî ronayene. Komune wazena perwerdeyanê sînemaye organîze bikera û bingeyê fîlman hedre bikera. Sînemaya Geroke wazena xoverdayîşê Kurdan û raştîyanê Kurdistanî bimojna dinyaye.
Bernameyê fîlman wina yo:
2yê Hezîrane
“El fin será espectacular”(Peynîye do bêemsale ba) – 18.00
3yê Hezîrane
“Hogar”
“Konvoy”
“Berfîn”
“Keye” – (Ramojnayîşê nê fîlman do saete 18.00î de dest pêbikero)
4ê Hezîrane
“Dara Tena”
“Mem û Gule”
“Mezela Hûmara 8ine”
“Şerî ra Dima” ( Ramojnayîşê nê fîlman do saete 18.00î de dest pêbikero)
Fîlmî do Ateneo La Maliciosa û Centro Zigiayî de bêro ramojnayene.
MA / ENQERA