Qanalê Youtubeyî yê MED Muzîk TVyî ame padayene

Qanalê Youtubeyî yê MED Muzîk TVyî, hetê şîrkete ra ame padayene.

Hetê Îdareyê Weşane yê MED Muzîk TVyî ra malûmatêk ame dayene û ame dîyarkerdiş ke qanalê Youtubeyî ameyo padayene. Ame vatiş ke, “Qanalê ma tedeyîyanê kultur û hunerî ra û muzîkî ra yeno pê. Padayîşê qanalî vera kulturê Kurdan sey hêrîşêk o.

Malûmatê qanalî de ame vatiş ke, “Erjê neteweyî yê şarê Kurdî û sîmgeyê înan bîlasebeb yenê qedexekerdiş û bêhiqûqî yenê sansûrkerdiş. Hetê îdareyanê faşîstan ra qerarê mintiqayî yenê girewtene û nê qerarî platformanê mîyannetewîyan de zî yenê qebulkerdiş. Nê qerarî sîyasî û terafgîr ê. Hetê Google û Youtubeyî ra bin o qeyde tedeyîyê şarê Kurdî xeylê rey ameyê sansûrkerdiş yan zî astengkerdiş. Ma wazanê wa vera erjanê Kurdan û sîmgeyanê înan hurmet bêro ramojnayîş. Ma na kerdena ke vera erjanê Kurdan û kulturê kurdan bîya şermezar kenê.”

‘Ma do çirey game tepîya meerzê’

Malûmatî de ame dîyarkerdiş ke, ê do çirey game tepîya meerzê û kultur, huner û erjanê Kurdan birasnê şarî û ame vatiş ke, “Kultur û hunerê Kurdan her wextî ra zêder berz bîyê û aver de şîyê. Ma do înan bi goreyê rayanê raştan birasnê şarî û xebata xo hîna aver de berê. Seba ke ma xo birasnê şarê xo, ma do her platformî de estbîyayîşê xo biramnê.”

MERKEZÊ XEBERAN