Raywanîya rockî

Nûçeyên Çand/Huner

în 17 hezîranê 2022 - 15:34

Harûn Elkîyî Dîyarbekir de konserê rockî da.

Harûn Elkî Şirnex Elkê de ameyo dinya. Harûn Elkî vîst serrîya xo de şino Edene, tîya de mîyanê xebatanê Koma Rewşenî de ca geno û beno solîstê na kome. Mîyanê na kome de muzîsyenîya xo aver de beno û rockê Kurdkî de beno wayîrê cayêk.

Rock verî cû biney ecêb ame

Harûn Elkîyî va, “Ez Elkê ra vejîyaya û mi verê xo da Edene. Ez tîya de Koma Rewşenî reyde bîya şinasî û raywanîya min a muzîkî dest pêkerde. Rock verî cû biney ecêb ame. Koma Rewşen muzîkêko protest viraştêne. Dima kome vila bîye, ma yewna kome awane kerde. Muzîkê rockî mîyanê Kurdan de zaf vilabîyaye nêbi ê wextan la ma rewşa welatî ser o deyîranê xo viraştêne. Tewirî tena formî. Ma çend rojî cûwaver Elkê de konserêk da. Şarî xeylê eleqa mojna konsere ma. Ciwanî zêde bî û ez pê zaf bîya keyfweş. Merdim eşkeno her formî de çîyanê başan bivirazo. Ez wazena vayanê koyan bi formê rockî bielawî. Ez wazena xebatanê cîya û rengarengan biviraza. Kultur, ziwan û muzîk binê hêrîşan de yê la ez bawer kena, ma do bi xoverdayîşî nînan puç bikerê.”

TÎGRÎS HABER / AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.