Rektorê Zaningehê Şirnexî xo kerdo dekanê 2 fakulteyan
pêncşem 7 îlonê 2023 - 19:10
Rektorê Zaningehê Şirnexî Abdurrahîm Alkişî xo sey dekanê 2 fakulteyan tayîn kerdo û cinîya xo zî bêusûlî girewto bernameyê lîsansê berzî.
Eşkera bîyo ke rektorê Zaningehê Şirnexî Abbyrrahîm Alkişî xo Fakulteyê Zanistanê Sihetî û Fakullteya Îlahîyatî rê sey rektorî tayîn kerdo. Rektorî, cinîya xo Ebru Nazli Alkişî zî girewto bernameyê lîsansê berzî.
Goreyê xebera Yenîçagî; Ebru Nazli Alkişe bi notê lîsansî yê 73,86î û bi puanê ALESî yê 70,24î lîsansê berzî rê ameya qebulkerdiş la Ahmet Demîr bi notê lîsansî yê 78,34î û bi puanê ALESî yê 71,18î nêşkayo bikewo bernameyê lîsansê berzî.
Wesayîtê meqamî rê her aşmî 36 hezarî
Alkişî senî ke amebi wezîfeyî ser xo rê wesayîtêko luks kira kerdbî û eşkera bibi ke kiraya ci ya serrane 402 hezar a. Reyna eşkera bibi ke bê heqê şoforî û sotemenî, aşmane wesayîtî rê 36 hezarî yenê xerckerdene.
MA / ŞIRNEX)