Qeyûm xebatanê AKPyî ramneno

Qeyûmê Beledîyeya Qezaya Stewrê yê Mêrdînî esnafan ra vato, “Eke AKP qezenc mekero do xizmet meyero.”

Xebatê weçînayîşanê herêmîyan dewam kenê. Qezaya Merdînî ya Stewrê de weçînitoxî yenê kiriştene. Qeydê 600 polîs û eskeran ameyo kiriştene û ameyo dîyarkerdiş ke qeyûmê beledîya xebatanê weçînayîşî ramneno.

‘Ez seba weçînayîşî ameya’

Goreyê malumatan, qeyûm wexto ke mîyanê esnafan ra gêrayo esnafan vato xizmetî nînê kerdene. Naye ser o qeyûmî vato, “Eke beledîya nêkewa destê AKPyî xizmet nîno. Ganî AKP qezenc bikero. Eke şima ke xizmet wazenê sewbîna rayîrê xo çin o.” Esnafan vera vateyanê ey vato, “Şima seba sîyasetî nêameyî tîya.” Qeyûmî zî vato, “Ez seba weçînayîşî ameya tîya. Serekkomarê ma ez bîlasebeb nêerşawita tîya.

Muxtarî ardê pêser

Qeyûm Fatîh Çevîkî muxtarî ardê pêser û înan ra vat oma ganî Stewrê bigerê. Çevîkî talîmat dayo muxtaran ke wa DEM Partîye rê rayî mevejîyê. Goreyê malumatan, Çevîkî muxtaran ra vato şima ganî AKP rê bixebitîyê û dîyar kerdo ke talîmat Serekkomarî ra ameyo. 

MA / MÊRDÎN