HDP Samandagî de Res El Senîyî pîroze kerde. Deyîrê Kurdkî, Erebkî û Tirkîyî vajîyayê û derheqê ziwanê dayike û haştîya herêmî de qiseykerkişî bîyê.
Goreyê teqwîmê mîladîyî, 14ê Çeleyî teqwîmê Rumî de beno roja serra newî. Rojhelatê mîyanênî de serra newî 14ê Çeleyî de yena pîrozkerdiş. Elewîyê Erebî na roje ra vanê Res El Senî. Teşkîlatê HDPyî yê Samandagî vîzêr Res El Senîyî pîroz kerd. Xeylê wekîlan şayî de cayê xo girewt û şarî zî elaqeyo pîl mojna ra. Bi ziwananê Kurdkî, Erebkî, Tirkî û Ermenîkî pankartî ameyê dardî kerdene. Şewe bi deyîya hunermend Mehmet Mennîyî dest pêkerde.
Ma çira hîkayeyanê xo bi ziwananê xo nêvanê
Wekîla HDPyî ya Tulay Hatîmogûllari qisey kerde û bi Erebkî vate; “Her cayê welatî de însanî ziwanê xo de qisey bikerê se beno? No ziwanê ma yo, ma çira meeşkê hîkayeyanê xo ziwanê xo de mevajê. Ez tena behsê Erebkîyî nêkena, welatê ma de xeylê ziwanî estê. Ganî hukmat mabeynê şaran mexeripno û her kes wa bi ziwan û kulturê xo azadane bicuwîyo.”
HATAY