Rojê Kitaban ê Munzirî de polîsan dest na 3 kitaban ser

în 15 tîrmehê 2022 - 17:25

Kitaban ra 2 hebî Hereketê Kurdan ser o yê û kitabêko bîn zî nuşteyê Îbrahîm Kaypakkayayî yê.

Rojê Kitaban ê Munzirî de polîsan dest na 3 kitaban ser. Derheqê nê kitaban de verî cû qerarê arêdayîşî ameyê dayene. Derheqê kitabo ke nuşteyanê Îbrahîm Kaypakkayayî ra hedre bîyo û weşanxaneyê Umutî ra vejîyayo 2017î de qerarê arêdayîşî ameyo dayene la qerar weşanxane rê teblîx nêbîyo. Polîsan dest na nê kitabî ser. 

Di kitabe bînî zî derheqê Hereketê Kurdan de yê. Kitabê “Bir Başka Kandil Kırk Yıl Önce…Kırk Yıl Sonra’yî yo ke hetê Weşanxaneyê Tekînî ra weşanîyayo û kitabê Weşanxaneyê Dîpnotî yê “İsyandan İnşaya Kürdistan Özgürlük Hareketi”yî hetê polîsan ra ameyê arêdayîş. Sereka Îdareyî ya YAYKOOPî seba îfadedayîşî ameye vengdayîş.

Hetê Weşanxaneyê Dîpnotî ra derheqê qedexeyan de malûmatêk ame weşanayîş. Malûmatî de ame vatiş ke, “Ma mîyanê nê zulmatî ra mela bi fikirîyayîş, wendiş, nuştiş û berardişî eşkenê vejîyê. Ma do vera qedexeyan, azadî, demokrasî û haştîye bipawê. Ma do bi xizmetê nê erjan de kitabanê neweyan biweşanê.”

PÎRHA / DÊRSIM

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.