Kaykerdoxê ‘Holy Spider’(Pîrika Pîroze) do hetê Îranî ra bêrê cezakerdiş

Kaykerdoxê ‘Holy Spider’(Pîrika Pîroze) do hetê Îranî ra bêrê cezakerdiş. Fîlm Festîvalê Cannesî yê emserî de xelata ‘Kaybaza Cinîya Tewre Başe’ girewtibî. 

Wezaretê Kulturî yê Îranî Mumemmed Mehdî Îsmaîlîyî derheqê meseleye de vato, “No fîlm Urdunî de ameyo antiş. Kaybazê serekeyî teberê welatî de yê. Lîsansê înan çin o. Eke mîyanê welatî de paştî ke dîyaya fîlmî, o wext miheqeq ê do bêrê cezakerdiş.

Fîlm xelata ‘Kaybaza Cinîya Tewre Başe’ girewte 

Senaryoya fîlmî hetê Alî Abbasîyî ra ameya nuştiş. Serranê 2000 û 2001î de Seîd Henaîyî 16 cinîyî kiştibî. Senaryo na meseleye ser o ameya nuştene. Kaybazîya serekeye de Mehdî Becestanî û Zehra Emîr Îbrahîmî ca genê. Zehra Emîr Îbrahîmî Cannes de xelata ‘Kaybaza Cinîya Tewre Başe’ girewte. Dezgeyê Sînemaye yê Îranî vatibi, “No fîlm dînê ma rê û miliyetê ma rê heqeret keno. Ma Festîvalê Cannesî şermezar kenê. Na xelate sebebanê sîyasîyan ra ameya dayene.”

MERKEZÊ XEBERAN