Serrgêra Zarok Mayî bi şayîyêka pîle ameye pîrozkerdiş

Serrgêra ronîyayîşê Zarok Mayî bi konseran ameye pîrozkerdiş.

Hetê Ma Muzîkî ra seba serrgêra Zarok Mayî di koserî ameyê organîzekerdiş. Konserî baxçeyê Zarok Mayî de ameyê viraştene. Şarî eleqayêko pîl mojna konseran.

Verê konserî Şêrko Kanîwarî qisey kerd û va, “Ma seba ke serrgêra Zarok Mayî pîroz bikerê ameyê têhet. Seke yeno zanayene, serrêk verî cû ma Zarok Mayî rona. No destpêko newe bi û gamêka pîle bî. Ma mîyanê serrêk de xeylê raye girewte û serkewtişê pîlî vistî xo dest.”

Şêrko Kanîwarî mizgînîye da û va 29,30 û 31ê Temûze de do Hinek Henek bernameyanê xo baxçeyê Zarok Mayî de bikero.

Dima qiseyan bi şeftîya Mustafa Abî Ebbasî Koma Ma û Orkestra Mala Muzîkê ya Silêmanîyeyî vejîyayê sehneyî ser û konser bi kêyfweşîya pîle ame qedîyayîş.

MA / AMED