Şeyda Asmîn ra kitabê newe 

Nûçeyên Çand/Huner

pêncşem 3 hezîranê 2021 - 13:18

  • Kitabo ke bi paştîdayena Rojnameyê Newaya Jine ame hadrekerdiş de bi desan hîkayeyî ca gênê.

Kitabê newe yê nuştox Şeyda Asmîn ‘Raywanîya Rojawa de’ çapxaneyê Meyman ra vejiya. 

Kitabo ke bi paştîdayena Rojnameyê Newaya Jine ame hadrekerdiş de bi desan hîkayeyî ca gênê. Hîkayeyî vêşêrî Rojava de ravêrniyenê. Muhtewayê hîkayeyan cengê verva çeteyanê DAIŞ o. Her zewbîn hîkayeyê ke Hardê Pawitenê Medya de ameyê nuştiş zî kitabî de ca gênê.  

Hîkayeyê ke kitabî de ca gênê mabêna Gucîge 2012 ra heta Gulana 2020 de ameyî nuştiş. Kitabo ke 80 rîpelî yo vervate yê ci nuştox û şaîr Kamer Söylemezî nuşt. 

Cengo tewr girs hona rameno

Söylemez vervate de bina vano:  “Nî hêkatî aynê Rojavayî yê. Mi ke wendî, hen hîskerd. Rojava de se beno, cengê verva DAEŞ ra tepîya û binê tehditanê dewleta tirk de. Gorê homete, cengo en girs Kobanê de amo ciwîyayene. La raştîye de cengo en girs hona rameno. Riznayene rehet a, ama nîznayene zaf zaf zor a. Dirvetanê herbî melem kerdene kî serran cena. Dirvetê herbî xorî yê.”
Kitabê nuştox ’Zaman Sey fekê Kardî bî” zî veriya çend serran vejiya bi. 

Kesê ke biwazê kitabê ‘Raywanîya Rojawa de’  temîn bikerê êşkenê aşma Temmuze ra tepya ser nê qenalan xo biresnê çapxaneyê Meyman:
E-mail: meyman2018@gmail.com
Twitter: @Wesanen_Meyman
Tel: 0031 65 79 13 039
Malper: pirtukxane.net

 

MERKEZÊ XEBERAN

 

parvê bike

Nûçeyên ku dikare bala we bikşîne

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.