Rojnuşteyê Gurbetellî Ersoze bi Fransizkî ame weşanayîş

Rojnuşteyê Ersoze ‘Mi Zerra xo Neşxê Koyan Kerd’ bi Fransizkî ame weşanayîş.

Gurbetellî Ersoze, sey cinîyêke Tirkîya de reya verêne derhênerîya weşanê pêroyî kerde. Aye rojnuşteyê xo ‘Mi Zerra xo Nexşê Koyan Kerd’ mabênê serranê 1995-1997î de nuşt. Rojnuşteyê aye hetê Les Editions d’en Basî ra açarîya Fransizkî û ame weşanayîş.

Çalakîya daşinasnayîşê kitabî do 29ê Êlule de Lozan de La Pavillon de saete 18.00 de bêra kerdene. Çalakîye de do edîtorê Les Editians d’en Basî Pascal Cottin û Jean Richard û mudirê verênî yê Musee des Beauxs Artsî Bernard Fibicherî do çalakîye de qisey bikerê.

Gurbetellî Ersoze

Gurbetellî Ersoze, derhênerîya weşanê pêroyî yê Ozgur Gundemî kerdêne û nê karî de cinîyêka verêne bîye. Karanê xo yê rojnamegerîye ver ameye girewtene û raştê îşkenceyan ameye. Dima ke vejîyayê tewrê PKKyî bî. Xatira, şîîr û xorexnekerdişê aye yê serranê 1995-1997î rojnuşteyêkî de ameyê têhet. No rojnuşteyê aye bi nameyê ‘Mi Zerra xo Neşxê Koyan Kerd’ ame weşanayîş. Gurbetellî Ersoze, 32 serrîya xo de 8ê Teşrîna Verêne 1997î de pêrodayîşêk de cuya xo vîndî kerde.

MERKEZÊ XEBERAN