Setê ‘Dilşa’ Kurmancî ra dima nika zî bi Kirmanckî ameyo çapkerdiş

Set 6 kitaban ra yeno pê û her kitabî de serebutê Dilşa yê cîyayî ca genê.

Weşanxaneyê Nûbiharî nika zî sete ‘Dilşa’ bi Kirmanckî çap kerdo.No set hetê nuştoxa almane Liane Schenidere ra bi almanî ameyo nuştiş. Set heta nika açarîyayo xeylê ziwanan.

Demêk verî cû no set hetê Abdullah Încekan, Selman Dilovan û Asli Kayaye ra açarîyabi Kurmancî û amebi çapkerdiş. Nika zî no set hetê Bîlal Zîlan û Mûrat Başaranî ra açarîyayo Kirmanckî û ameyo çapkerdiş.

Set 6 kitaban ra yeno pê û tede serebutê Dilşa estê. Dilşa her kitabî de bi tecrûbeyanê neweyan, cuye şinasnena û aver de şina. Dilşa û embazê aye 30 serran ra nat domanan rê rayberîye kenê û cuya înan xemilnenê.

Setî de nê kitabî estê:

• Dilşa dest bi mekteb kena
• Dilşa futbol kay kena
• Dilşa banderê ramitişê bîsîklete bena
• Dilşa nêweşxane de ya
• Dilşa vîndî bena
• Dilşa şona baxçeyê heywanan

BÎANET