Ansîklopedîyê rengan

sêşem 30 tebaxê 2022 - 16:22

Hetê şaîre û cigêrayoxa Kurde Seher Mozaî ra xebata ansîklopedîyê rengan ameye hedrekerdiş.

Seher Mozaî Sinê ra ya û bi serran ra nat xebatanê ferhengan de kede dana. Mozaî 11 serran de xebata xo ya ansîklopedîyê rengan temame kerde. Na xebate bi nameyê ‘Pazar’î hetê Zaningehê Selahaddînî ra ameye weşanayîş. Xebate bi Kurdkî, Fransizkî û Îngîlîzkî ameye weşanayîş.

Xebate tena folklor û fenomenolojîyê çar leyeyê Kurdistanî ser ney, pêro Kurdistan û Îran, Ermenîstan û Kafkasya de xebatêka tewre hîra ya û ansîklopedîyî de 37 hezar rengî ca genê. Na xebata hîra û erjayî 3 ziwanan de ameya weşanayîş.

Bê na xebate kitabe şîîrî yê Seher Mozaî est ê û perwerdeyê domanan ser o 11 kitabî hetê aye ra ameyê nuştiş. Seher Mozai wazena seba nuştiş û wendişê Kurdkî xebatêk hedre bikera.

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.