Şingalijî: Domanê ma erdê ma pawenê

yekşem 21 hezîranê 2020 - 10:46

  • ''Heta peynîya cuya xo ma do serê erdê xo de bibê, erdê xo ra fek vera nêdê. Dewleta tirke wazena ma çin bikera, ma sey şarê Şingalî domananê xo reyde erdê xo bipawê.''

Şewa 15ê hezîrane de saete 00:05î de dewleta tirke bi hawayêkê hemdemî Şingal, Mexmûr û Herêmanê Pawitişî yê Medya ser o bombayî varnayî. Hêrişan nêzdîyê 40 deqayan dewan kerd. Bombardumanê Şingalî de 4 endamê YBŞyî birîndar bîyî.

Keyeyanê birîndaran vera hêrişanê dewleta tirke nêrazîbîyayîşê xo mojna û îfade kerd ke êyê ke birîndar bîyî domanê nê erdî yê.

Nayif Elyaso ke birayê endamê YBŞyî Hadî Elyasî yo, vat:'' Ma keyeyê xo de yê, erdê xo de yê la dewleta tirke hêrişê ma kena. Dana şiwanan û dikanan ro. Nê hêrişî seba ke verê agêrayîşê Şingalijan bêro girewtene, yenê kerdene.  Ma erdê xo pawenê. YBŞ asayîşê ma yo. Hukmatê Iraqî hêrişan nêvindarneno.''

Bişar Elyas zî babîyê Xalido ke 3 embazanê xo reyde birîndar bi. Elyasî vat: ''Lajê mi seba erdê xo, azadîya xo têkoşîn keno. Ma do erdê xo ra fek vera nêdê. Her kes zaneno ke PKK Şingal de nîyo. Dewleta tirke wazena ma çin bikera la ma û domanê ma do Şingal bipawê.''

ANF

parvê bike

Nûçeyên ku dikare bala we bikşîne

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.