Gulçîn Xûlamweysî heskerdixê xo yê xozaye çarnena hunerî

• Gulçîn Xûlamweysî dar û textikan ra selik û sepetan virazena û cinîyan rê îmkananê karî peyda kena.

HÎMA RAD / NÛJINHA / SINÊ

Cinîyê Hewremanijî heskerdişê xo yê xozaye çarnenê hunerî. Cinîyî bi hunerê destanê xo dar û textikan ra berhemanê tewir-tewiran virazenê. Gulçîn Xulamweysî vana, “Verî cû mi nêzanayêne sepetî virazê. Mi bazarî ra sepetêk girewt, mi sepet şikit û mi newe ra viraşt. Dima ez musaya û nika ez nê karî kena. Sey her karî zehmetîyê nê karî zî estê.”

Xeylê cinîyan rê îmkanê karî peyda kerdê

Gulçîn Xûlamweysî va, “Mi kargehê viraştişê sepetan akerd û xeylê cinîyan rê îmkanê karî peyda bîyê. Cinîyê ke mi het de xebitîyenê weş qezenc kenê û nika 70-80 cinîyî xebitîyenê. Ez şina dewan û nê karî musnena cinîyan. Seba ez cinîyan rê îmkanê karî peyda kena, ez zaf keyfweş a.Ma daranê menewşîyan ra sepetan virazenê.

Beşdarê pêşengeyanê hunerî bena

Xûlamweysî va, “Ma beşdarê pêşengeyanê hunerî benê. Darê ke ma pê sepetan virazenê, 70 serrî cuwîyenê û boyêka weşe danê. Nê sepetî wexto ke bişuwîyê hîna benê rindek. La ganî bi awa varanî bêrê şutiş. Darê mevewşeyî ganî payîz ra heta wisar bêrê arêdayîş.”

“Ez wazena perwerde bidî xeylê cinîyan”

Gulçîn Xûlamwesyî derheqê plan û projeyanê xo de va, “Ez wazena cayêk akerî û perwerde bidî cinîyan. Îhtîyacîya mi bi pereyan çin a. Ez wazena paştî bidî cinîyan ke ê bieşkê bi keda xo payra bimanê.”