Suryanîyanê Ortodoksan roşanê Nûhomoyî pîroz kerd

Roşanê Paskalyayî yê Xirîstîyanan hetê Suryanîyanê Ortodoksan ra ame pîrozkerdiş.

Xirîstîyanî bawer kenê ke, Îsa çarmixkerdişî ra 3 rojî dima reyna bîyo weş. Na roje sey roşanî yena pîrozkerdiş. No roşan her serre peynîya adare ra heta peynîya nîsane yeno pîrozkerdiş. Surnanîyê Ortodoksî nê roşanî bi nameyê Nûhomoyî pîroz kenê. Ayînê roşanî hetê Papaz Gabrîel Akyuz û Metropolîtê Mêrdîn û Dîyarbekirî Salîba Ozmenî ra ame îdarekerdiş. 

Suryanîyî teqwîmê dêrî yê verînî şuxilnenê. Ê her serre yortûyê paskalyayî de 50 rojî roje genê. Mîyanê nê rojeyî de Sîbero yeno pîrozkerdiş. Ê a şewe mîrêk alewenê û layanê sûr û sipîyan erzenê ser. Dima nê sey bendikan bestîyenê harmeyan ra. Êneyê peyênî yê rojeyî de bendikî adirî de yenê weşnayene. Ê bawer kenê ke Îsa rîyê erdî de hinî wezîfeyê xo ardo ca.

AMED