Teyra Tawise sere nêna ro
pêncşem 10 sibatê 2022 - 22:25
- Fotografêko Şengalî de ame antene yeno vateyê payramendişê Kurdan.
Fotografêko Şengalî de ame antene yeno vateyê payramendişê Kurdan.
Teyyareyanê Ordîyê Tirkan çend rojan ra ver bombeyi varnaybî serê Şengal, Mexmûr û Dêrike. Cinîyan nê hêrîşî Dîyarbekirî de protesto kerd û înan va Kurdî eynî sey a Teyra Tawise çirey sere nênanê ro. Nê hêrîşan de 9 welatî merdê. Bombeyî bêvindertiş 4 saetî varayî nê bajaranê Kurdan ser o. No herîşo barbar heta ewro mîyanê hêrîşan de, o yo tewr pîl bi. Şar vano nê hêrîşan de gişta hukimatê Başûrî zî esta.
‘Ma ganî miletê xo bibedilnê’
Cinîyan Dîyarbekirî de nê hêrîşî protesto kerd. Cinîyan va, “Seba ke ma qetil mebê ganî ma miletê xo bibedilnê. Kes nêşkeno pê kiştişê domanan û cinîyan welatê xo bipawo. Ma pê renganê xo rindek ê. Ma ganî bieşkê pîya bicuwîyê. Ma nê hêrîşanê xiraban protesto kenê”
‘Teyra Tawise sembola payramendişê Kurdan a’
Cinîyan va, “Kurdî serran ra nat raştê hêrîşan yenê. Ganî Kurdî pêropîya vera nê hêrîşan vengê xo berz bikerê. Kesê ke însanî nêfikirîyenê xoza zî nêfikirîyenê. Teyra Tawisa ke Şengalî de sere nênabî ro sembola îradeyê Kurdan a. Kurdî do çirey sere menê ro.
JINNEWS / AMED