Tîyatronameyê “Bilbilê Ber Perê Rojê Evdalê Zeynikê”yî çap bîyo

Tîyatrokar û nuştox Kemal Orgûnî cuya Evdalê Zeynikêyî bi awayêkî muzîkalî munita.

Nê tîyatronameyî de cuye û dengbêjîya Evdalê Zeynikêyî goreyê formê tîtatroyî ameyê hedrekerdiş. Kemal Ongûnî cuya Evdalî sey muzîkalî munita û pêarda. Kitab weşanxaneyê Îmgenîn Çocuklariyî ra vejîyayo. Keemal Ongûn bi serran ra nat cuye û dengbêjîya Evdalê Zeynikêyî ser o cigêrayîşan keno. 2004î de dest bi na xebate kerda û Îdir, Bazîd, Wan, Mûş û Erzîromî ra gêrayo. Orgûn vateyê verênî yê kitabî de vano, “Ez bîya parsek û mi dest bi parskerdişê cuye û kilamanê ey kerd.”

Kemal Orgûn badê şîyo cayo ke Evdalî tewr peynî xeyma xo naya a. Ey heqbeyê xo dekerdo û dima înan ra kitabêk veto. No muzîkal 2 perdeyan û 9 sehneyan ra yeno pê.  Muzîkalî de bîyayîşê Evdalî ra heta mergê ey hedîseyê muhîmî yê cuya ey ca genê. Hedîseyê sey; destpêkê dengbêjîya ey, Surmelî Mehmet Paşayî rê dengbêjbîyayîşê ey û Şêx Silêyî de sereantişê ey bi teferûat ca genê. Dengbêjo pîl Evdalê Zeynikê yo ke seba heme dengbêjan sey çimeyêko bingeyîn o, bi sayeyê nê tîyatronameyî bîyo ganî û beno ke wextêk ra pey sehneyan ser de bivejîyo vernîyê ma.

MERKEZÊ XEBERAN