FETHÎ BALABAN / MA / ÊLIH
Ronayoxanê koma tîyatro ya Yenî Sahneyî ra Yakûp Selîmoglûyî dîyar kerd ke ê seba tiyatroya Kurdkî birasa girseyanê hîrayan xoverdayîşê xo ramnenê.
Koma tîyatro ya Yenî Sahne xebatanê xo Êlih de ramnena. Bado ke Sînemaya Yilmaz Guneyî hetê qeyûmî ra ameye girewtene û rijnayene bajar de hetê xebatanê hunerî ra venganîyêk peyda bîye. 2018î de hunermendanê ke xebatê xo sînemaya Yilmaz Guneyî de ramitêne ameyê têhet û hetê înan ra koma tîyatro ya Yenî Sahne ameye ronayene.
Ronayoxanê kome ra Yakûp Selîmoglûyî derheqê xebatanê înan de qisey kerd û va, “Badê rijnayîşê Sînemaya Yilmaz Guneyî Êlih de hetê çalakîyanê hunerî ra venganîyêk peyda bîye. Ma seba ke na venganîye debikerê cayêk awan kerd. Ma her aşme 23 bernameyan hedre kenê. Konserî, kayî, rojê îmzayan û fîlmî estê. Zêderîyê înan zî Kurdkî yê.”
Eleqayê tîyatroheskerdoxan
Derheqê kayanê înan de Selîmoglûyî va, “Kayanê m ara Cîmrî 140, Serbaz 87 û Forsa Şerko 24 rey ameyê kaykerdene. Ma bi kayê xo yê Jina Qelew Amed, Mêrdîn, Izmîr û Îstanbûl de vejîyayê sehne ser û ma eleqeyêko pîl dî. Ma do xeylê bajaran de kayanê xo kaybikerê.”
Averberdişê kultur û hunerî
Selîmoglûyî dîyar kerd ke armancê înan averberdişê huner û kulturê Kurdan o û va, “Ma seba ke ziwan û kulturê xo aver de berê kedêka pîle danê. Embazê ke mîyanê xebate de yê, înan serrê xo dayê averberdişê Kurdkî. Armancê ma no yo ke, ma wazenê tiyatroya Kurdkî birasnê girseyanê hîna pîlan û ma wazenê kayanê xo eywaannê hîna hîrayan de kaybikerê.”
parvê bike
Nûçeyên ku dikare bala we bikşîne
