Bakur û Rojhelatê Sûrîyeyî de 200 domanî perwerdeyê tîyatroyî genê

Hetê sazîyanê kultur û hunerî ra perwerdeyê tîyatroyî dîyeno domanan û komê tîyatroyî yenê awankerdiş.

TEV-ÇAND, Hîlala Zêrîne û Komîteya Şilêr a Teqîbkerdişê Heqanê Domanan bi 12 komê domanan reyde aşma gulane de dest bi projeyêk kerde. Çarçewaya projeye de perwrdeyê tîyatroyî dîyeno domanan. 

Pêro pîya 200 domanî beşdarê perwerdeyî bîyê. Dersê ke yenê dayene derheqê gurînayîşê vengî, nefes û kaybazîye de yê. Domanî do fablan vejê sehneyî ser. 

Endama Komîteya Şilêr a Teqîbkerdişê Heqanê Domanan Jûlya Xelo va, “Perwerdeyê tîyatroyî hîsanê domanan keno xurt. Bi nê perwedeyan domanî hîna zêde komelî rê benê nêzdî û psîkolojîyo xirab înan ser ra yeno wedartene.”

Jûlya Xalo dîyar kerd ke perwerdeyî do heta 19ê Temûze dewam bikerê û peynîye de do Kobanî, Şehba û Qamişlo de şayîyê domanan bêrê viraştene.

XWEBÛN