30 serrê Enstîtuya Kurdî ya Îstanbûlî

Zana Farqînî û Semra Ecer hîkayeya 30 serranê Enstîtuya Kurdî ya Îstanbûlî ser o qisey kerd.

Enstîtuya Kurdî ya Îstanbûlî 18ê Nîsane 1992yî de hetê şexsîyetena sey Mûsa Anter, Feqî Huseyîn Sagniç û Îsmaîl Beşîkçîyî ra ameye ronayene. 31ê Kanûne 2016î de bi qerarnameyêk ameye padayene. Nika 30 serranê Enstîtuye de bi panelêk çalakîyêk ameye organîzekerdiş. Panel hetê Komeleya Cigêrayîşanê Kurdîyî ra hedre bi. Na komele herinda enstîtuye de ameybî ronayene. Panelî de ziwanzan Zana Ferqînî û komeleye ra Semra Ecer derheqê Enstîtuya Kurdî ya Îstanbûlî de qisey kerd. Moderatorîya panelî hetê Evîn Dûrreye ra ameye kerdene. Panel hesabanê medyaya sosyale yê komeleye ra bi gande ame viraştene û panel safî bi Kurdkî bi.

ÎSTANBÛL