Subhan Feyroz 14 serran ra nat seba pawitişê kultur û hunerê Hewremanî xebitîyeno

Subhan Feyroz hem deyîranê Hewramkîyan arê dano û arşiv keno hem zî kitabanê Hewramkîyan çap keno.

Subhan Feyroz Helebçeyij o û 14 serran ra nat seba pawitişê kultur û hunerê Hewremanî xebitîyeno. Ey 2004î de Xurmalî de Merkezê Sîyaçemeneyî awan kerdo. Subhan Feyroz 1100 deyîrî kom kerde û arşiv kerdê. Sewbîna 12 kitabê destnuşteyî û 16 kitabî çap kerdê. 

Subhan Feyrozî va, “Ma 2004î de Xurmalî de Merkezê Sîyaçemenî awan kerd. Dima ma merkezê berd Helebçe. Merkezê ma tena deyîran ser o nêxebitîyeneo, eynî wext de kultur û edebîyatî ser o zî xebitîyeneo. Ma vanê wa kulturê Hewremanî vîndî mebo û ma muhîmîye danê Kakaîyan zî. Ma heta nika xeylê xebatî kerdê û ma do xebatanê xo biramnê.”

ROJNEWS / HELEBCE