- Pîranê Ocaxa Kureyşan ra Hamza Takmazî talibanê xo reyde bi wesîleyê Gaxanî cem girê da.
Nê rojan Gaxan yeno pîrozkerdiş. Bawerîya Elewîyan de cayê Gaxanî zaf muhîm o. Pîr Hamza Takmazî û Hatûne Takmaze keyeyê xo de taliban reyde cemê Gaxanî girê da û nîyazî ameyê parekerdiş.
Pîr Hamza Takmazî dîyar kerd ke rojê sey Gaxanî komunalîteye zêdînenê û va, “Proseso ke bi Gaxanî dest pêkerdêne, bi Xizirî, Howtemalî, Newroze û Hidrellezî dewam kerdêne. 6ê Gulane ra dima seba Elewîyan wextê rence yo. Nê wextî mîyan de her hefte cem nêbîyêne. Aşmê zimistanî wextê îbadetî yê. Gaxanî de her keye ra çîyêk arê dîyayêne û dîyayêne feqîran. Zîyaran ser de nîyazî ameyêne parekerdene. Zimistan ke ame her kes kêmanîya yewbînî dîyêne. Hes kes halê hes kesî zanayêne.”
‘Ma ganî nê rojan û roşanan neqlê domanan bikerê’
Takmazî va, “Bajaran de asîmîlasyonî ver nê roşanî vîrî ra şîyê. Herinda Gaxanî de Xizirî de nika sewbîna çîyî yenê pîrozkerdiş. Ma ganî roşananê xo neqlê domananê xo bikerê. Ganî domanê ma zî wayîrê nê rojanê muhîman û raya ma bivejîyê.”
Çeraxî ameyê tavistene, cem ame girêdayîş û nîyazî û werdê Gaxanî gulbangan reyde ameyê parekerdiş.
PÎRHA / IZMÎR
parvê bike
Nûçeyên ku dikare bala we bikşîne
