- Roşanê Gaxanî yo ke Elewîyan de û Kirmancan mîyan de sey sereyê serra newîye yeno pîrozkerdiş, Izmîr de bi şayîye ame pîrozkerdiş.
Hetê Komeleyanê Elewîyan ê Demokratîkî yê Şaxa Izmirî ra Gaxan Izmîr de bi şayîye ame pîrozkerdiş. Xeylê kesî bîyê tewrê pîrozkerdişî. Kalo Gaxan û Fadikê keye bi keye gêrayê û keyeyan ra ardî û şeker ameyê arêdayîş. Bi def û zirnayî govende ameye girewtene. Pîrozkerdişê Gaxanî, bi parekerdişê nîyazan dewam kerd.
‘Ma kulturê xo ramnenê’
Îdarekarê Merkezê Pêroyî yê DADî Asîl Benlerî va, “Ma erdê xo ra xeylê sebeban ver bar kerd û ma ameyê metropolan. Seba ke ma kulturê xo û bawerîya xo vîrî ra mekerê û vîrê xo yê komelkî gande bikerê ma ameyê têhet. Şarê ma seba pîrozkerdişê nê roşanê kehenî ame têhet û Gaxan ame pîrozkerdiş. Gaxanê şima fîraz bo. Wa serra newîye biba serra haştîye, demokrasi û azadîye.”
Gaxan çi yo?
Gaxan yeno vateyê aşma Kanûne. Dêrsim, Çewlîg, Erzîngan, Sêwas, Mûş û Semsûrî de yeno pîrozkerdiş û 21ê Kanûne de dest pêkeno. Gaxan yeno vateyê destpêkê serra newîye. Pîrozkerdişê Gaxanî 21ê Kanûne de dest pêkenê û heta hefteyê 2yinî yê Çeleyî dewam kenê. Pîrozkerdişan de rîtuelê kulturî û bawerîyî yenê kerdene.
Kayê Gaxanî
Kal Gaxan serra şîyayî temsîl keno, Fadikê dinya temsîl kena û kal nêwazeno aye terk bikero. Kayî de Ereb zî ameyoxî temsîl keno. Nê qereqterê kayî keye bi keye gêrenê û bi şayîye loqmeyan arê danê. Çîyê ke yenê arêdayîş feqîran mîyan ra yenê vilakerdiş.
MA / IZMÎR
parvê bike
Nûçeyên ku dikare bala we bikşîne
