Amed de kombîyayîşê cinîyan: Ma do tecrîdî bişiknê û cuya xo azad bikerê

Verê konferansanê HDP û Partîya Çep a Keske kombîyayîşî dewam kenê. Amed de hetê cinîyan ra kombîyayîş ame viraştene.

Rexistinaê HDP û Partîya Çep a Keske yê Amedî, verê konferansê Enqera Amed de rêxistinanê cinîyan de ameyê têhet. TJA, Dayîkê Haştîye, Hemsereka HDPyî ya Amedî Gulîstan Atasoye, Hemverfeka Partîya Çep a Keske Pinar Sakik Tekîn, parlamenterî Adalet Kaya, Sevîlay Çelenke, Ceylan Akça, Komeleya Cinîyan a Rosa û xeylê cinîyî bîyê beşdarê kombîyayîşî.

‘Ma ganî tecrîdî wedarê û cuya xo azad bikerê’

Hemverfeka Partîya Çep a Keske ya Amedî Pinar Sakik Tekîne va, “Tecrîdo ke Îmrali de dest pêkerdo, pêro komelî ra vila bîyo û nê polîtîkayî bigiranî dewsam kenê. Tecrîd hinî bîyo sey rejîmêk. Heta ke tecrîd meyero wedartene, qetlîamî, şîdetê vera cinîyan û problemê bînî do giran bibê. Hetê AKP-MHKyî ra vera Kurdan û cinîyan polîtîkayê şer û tecrîdî yenê ramitene. Ma ganî vera nê polîtîkayan rayîrê xo û xeta xo dîyar bikerê. ma ganî tecrîdî wedarê û cuya xo azad bikerê.”

MA / AMED