Aydin Atli: Kaos ke xorî beno, vera Elewîyan hêrîşî zêdîyenê

Serekê Komeleya Kulturî ya Pîr Sultan Abdalî yê Şûbeya Dîyarbekirî Aydin Atliyî va, “Ganî hêrîşî pêro hetan ra bêrê zelalkerdiş.”

Enqarayî de xeylê cemxane û dezgeyê Elewîyan raştê hêrîşanê hemdemî ameybî. Serekê Komeleya Kulturî ya Pîr Sultan Abdalî yê Şûbeya Dîyarbekirî Aydin Atliyî derheqê meseleye de qisey kerdo.

Kaos beno xorî

Aydin Atliyî va, “Hêrîşan raf am beno ke, bi plankerde ameyê kerdene. Çi wext kaos bizêdîyo, vera Elewîyan hêrîşî zêdîyenê. Nê hêrîşî pabesteyê rewşa Tirkîya yê. Binê înan ra zî do çîyêk bivejîyo.”

Vateyê Sedat Pekerî

Atliyî derheqê vateyanê îdarekarê rêxistinê sûcî Sedat Pekerî de va, “Pekerî cayêk de vatibi, do nêzdî ra vera cemxaneyan hêrîşî bêrê kerdene. Ma zanê ke nê hêrîşî hetê meczûbêkî ra nêameyê kerdiş. No kare kesêkî nîyo. Ma wazenê nê hêrîşî bi teferuatî bêrê zelalkerdiş.”

MA/AMED