Belgefîmê cinîyanê rencberan

Nûçeyên Çand/Huner

çarşem 12 Çileyê 2022 - 23:40

Belgefîmo ke behsê gêrayîşanê heqanê cinîyanê renberanê keno ame weşanayene.

Dersîm de badê 9 aşmanê zehmetinan dima qasê hîrê aşman renc yena kerdiş. No wext ke ame, Riha, D3iyarbekir, Xarpêt û bajaranê bînan ra karkerê demserrî yê rence  yenê Dêrsim.  Nê karkerî ekseri renca sinqe, Vila Veraroje û engure de xebitîyenê. Karkerî raştê xeylê tenganîyan yenê. Barê giranî sey her wextî reyna cinîyî ancenê. Belgefîlmê bi nameyê ‘Demserro Tek’ behse problemanê cinîyan û perwerdeyê domananê înan keno. 

“Cinîyî tim rêza dîyine de yê”

Viraştoxê belgefîlmî Arzû Yildiz va, “Cinîyî her wareyê cuye de tim rêza dîyine de ya. Xeylê problemê cinîyanê rencberan estê. Îhtîyacîyê bingehinî; konteynir, awa pake ya şimitişî, tuwalet, elektîrîk, banyo, werd û hacetê pakîye yê. Cinîyî hem rence de xebitîyenê hem zî karanê keyeyî kenê. Hîkayeya înan domantîye ra dest pêkeno û nîya şona. Ma zî waşt qederê înan bibedilnî û hîkayeyanê înan goştarî bikerê. Ma waşt bi belgefîlmê xo bibê vengê nê cinîyanê karkeran”.

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.