Bernameyê çalakîyanê Ma Muzîkî ame eşkerakerdiş

Zarok Ma serrêk verî cû ame ronayene û serrgêra ci do bi çalakîyan bêra pîrozkerdene.

Ma Muzîk sey wendegehê muzîkî 2017î de Dîyarbekir de ame awankerdiş. Ma Muzîkî par seba domananê 0-5 serrîyan Zarok Mayî rona. Bernameyê çalakîyanê serrgêra Zarok Mayî ame eşkerakerdiş. 29ê Hezîrane de do merasîmê mezûnîyetî bêro viraştene û rojanê bînan de zî do konserî, kargehî û semînerî bêrê dayene.

Bernameyê Ma Muzîkî wina yo:

29ê Hezîrane: Merasîmê mezûnîyetî yê wendekaranê Akademîya Ma Muzîkî (19.00)

2yê Temûze: Bernameyê mezûnîyetî yê wendekaranê Zarok Mayî û Dîwanê Domanan (18.00)

3yê Temûze: Konserê Koma Zarok Ma û Orkestraya Rîtmî ya Wendekaranê Akademîya Domanan a Ma muzîkî (18.00)

6-7ê Temûze: Konserê Ma Muzîk û Orkestraya Muzîkî ya Malî ya Silêmanîyeyî (20.30)

2-7ê Temûze: Do muzîkê Kurdan ser o semînerî bêrê dayene û kargehê kemane û vîyolaye bêrê viraştene. 

MA / AMED