MED-DERî bi şayîyêke belgeyî dayê domanan

MED-DERî kargeha hunerî ra dima şayîyêke viraşte û belgeyi dayê domanan.

MED-DERî seba domanan kargeha hunerî viraştibî. Peynîya kargehe de hetê MED-DERî ra awanîya ci de şayîyêke ameye viraştene û belgeyi dîyayê domanan. Îdarekarê xeylê sazîyan û keyeyê domanan bîyê şeşdarê şayîya domanan.

‘Se serrî yo polîtîkayê asîmîlasyonî yenê ramitene’

Îdarekara MED-DERî DîlanGuvençe dîyar kerd ke polîtîkayê asîmîsyonî vila benê û domanî raştê nê polîtîyan yenê. Guvençe va, “Perwerdeyê serdemê neweyî dest pê kerd û do bi mîlyonanê domananê Kurdan ziwanê dayîka xo ra mehrum bimanê. Ma ney sey sûcêkî vînenê. Ziwanê dayîke heqêko bingeyî yo û m ana polîtîka zî sey asîmîlasyonî vînenê. Se serrî yo polîtîkayê asîmîlasyonî yenê ramitene. Dîyar o ke do biramê zî. La eynî wext de xoverdayîşê ma zî esto. Nê keyeyî û domanî ameyê tîya û seba ziwanê xo xo ver danê. Ma naye ver keyfweş ê û ma ganî her warê cuye de ziwanê xo bigurînê. Ma keyeyanê x ora wazenê ke wa têkilîya domanan û ziwanî bi na kargehe sînordar memana û wa her warê cuya domanan de Kurdkî biba.”

Domanan dima bi keyfweşî belgeye xo girwtê, mamoste û keyeyanê xo reyde înan govende girewte û şayîye bi keyfweşî qedîyaye.

XWEBÛN / AMED