Bernameyê Wêjegeh Amedî yê aşma Adare eşkera bi

Nûçeyên Çand/Huner

sêşem 8 adarê 2022 - 21:14

Wêjegeh Amedî di serrê xo qedînayê. Hinî Wêjegeh Mêrdîn de zî çalakîyan organîze keno.

Wêjegeh Amed na aşme Îsvîçre û Norveçî ra di nuştoxan keno mêman. Nê nuştoxî do hem Dîyarbekir hem zî Mêrdînî de bibê mêman. Nuştoxo Îsvîçreyij Jonas Luscher do Dîyarbekirî de edîrora romanê ey ê ‘Wisarê Barbaran’ ya Elîf Akkaya reyde mişewre bikero. Na çalakî do 19ê Adare de Dîyarbekir de û 20ê Adare de zî Mêrdîn de organîze biba. 

Projeyê ‘Edebîyato ke Sînoran ra Vîyareno’yî bi têhetameyîşanê bêsînoran dewam keno. Emser Osloyî ra nuxtox Sîmon Stranger beno mêmanê Wêjegeh Amedî. Stranger do kitabê xo yê ‘Ansîklopedîya Roşnîye û Tarîtîye’yî ser o qisey bikero. Na çalaki zî do Mêrdînî de biba. Yew linga projeyi zî do Norveçî de hetê Eyşana Beravî ra biba. Eyşana Beravî do Norveçîjan rê behsê edebîyatê Kurdkî bikera. Wêjegeh do bernameyê ‘Roja Nuştoxan’ ê na aşme de bi babeta ‘Edebîyato fekkî û Şer’î Şerefxan Cizîrîyî bikero mêman. Na çalaki do 12ê Adare de biba û sewbîna cigêrayoxa serkewtî Zeynep Yaş zî do bernameyî de ca bigêra. Dima 23ê Adare de do tarîxnas Alî Yaycioglû kibatê Îhsan Oktay Anarî yê peyênî ‘Tîamat’î ser o qisey bikero. çalakîya peyên a ‘Roja Nuştoxan’ do 26ê Adare de biba û bi sernameyê ‘EFsûna’yî Aytenxan biba mêmane. Serîya 5ine ya ‘Sovyetan de Kulturê Kurdan’î de Salihê Kevirbirî do mêmananê xo yê Aslika Qadir, Bêlla Stûrkî, Têmûrê Xelîlî reyde keda 100 serrîya ke Xelîlê Çaçan û keyeyê ey Kurdkî ser o daya qisey bikero.

AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.