Bi nameyê Bahçelîyî Daristanê Xatirayî

yekşem 9 Çileyê 2022 - 10:35

  • Koyo Qirxlaro ke Dîyarbekirijî pîroz vînenê de, bi nameyê Devlet Bahçelîyî Daristanê Xatirayî do bêro viraştene. Sekretera TMMOBî Hatûn va, “Nameyê Seyîdxan Boyaxçî bidîyo daristanî kes îtîraz nêkeno.

Diyarbekirijan bi tesadufêk pê hesîyayê ke koyê Qirxlarî de bi nameyê Devlet Bahçelîyî daristanêk yeno viraştene. Sekretera Tmmobî Hatûn va, Keyyûmê Dîyarbekirî Munîr Karaloglû malûmatêkî xo de behsê projeya daristanî kerd. Hatûnî Karaloglûyî r ava, “Keyyûmo ke şima ra ver tayin bibi, awanîyê koyî rijnayî û xo rê cayê rantî yê neweyî viraştî. Ma dewa akerde û ma qezenc kerd. Ganî şima ê awanîyan birijnayêne la şima nêkerd. Ser de zî şima do daristanêk bi nameyê Devlet Bahçelîyî virazê. Çira cayêko sey Dîyarbekirî de şima çîyêko winasî kenê.”

Do 210 donumî ser de virazîyo

Na mesele ra xebera Dîyarbekirijan bi no qeyde bî û dima malûmatê serekê Mhpyî yê Dîyarbekirî ra xeberdar bîyê. Serekê Mhpyî yê bajarî Cîhan Kayaalpî vato, “ Semedo ke bi keda walî Munîr Karaloglu na proje bîya, ma ey rê zaf sipas kenê.” Na proje do aşma çeleyî do bêra qedîyayîş. Do 10 hezar danî bêrê ronayîş û nameyê eskeranê şehîdan bêrê dayîş. 

Wa nameyê hunermendan bicuwîyê

Dogan Xatûnî va, “Xeylê hunermendê Diyarbekirijî estê. Herinda nameyê Bahçelîyî, nameyê nê hunermendan daristanan rê bêro dayîş hîna baş o. Çira nameyê Seyîdxan Boyaxçîyî nêdîyeno. Boyaxçî dengbêjêko pîl o. Cuya xo de zaf zehmetî antibî la kulturê kurdan rê xeylê xizmetê ey bîyê. Merdimêko estbîyayîşê kurdan înkar keno heq nêkeno ke nameyê ey bidîyo daristanêk û tek yew Dîyarbekirij naye qebûl nêkeno.”

AMED

parvê bike

Nûçeyên ku dikare bala we bikşîne

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.