Hêrişê Tirkîya yê ke Rojava rê benê erşawîyayê 150 cayan

Îdareyê Xoserî yê Bakur û Rojhelatê Sûrîyeyî derheqê hêrişanê Tirkîya de dosyayêk hedre kerde û erşawite 150 sazî, partî, rêxistin û şexsan.

Îdareyê Xoserî yê Bakur û Rojhelatê Sûrîyeyî derheqê hêrişanê Tirkîya yê ke 23yê Kanûne de dest pêkerdê de dosyayêk hedre kerde û na dosya erşawite 150 sazî, partî, rêxistin û şexsan. 

Hetê temsîlkarîyanê Awusturya, Yewîya Ewrûpa û Îskandînavya ra derheqê hêrişan de dossyayêk ameyê hedrekerdene û parlamentoya Awusturya, Serekkomarîya Awusturya û 116 sazîyan rê ameye pêşkêşkerdene.

Hetê temsîlkarîya Ewrûpa ra zî dosya Sekreteyê NYyî Antonio Guteress, Hetkarê Sekreterê NYyî Martin Griffiths, Temsîlkarê NYyî yê sûrîyeyî Geir Pedersen, 9 temsîlkarîya welatanê Ewrûpa, Komîteya Heqanê Merdiman a NYyî, Komîsyonê Cigêrayîşî yê Mîyanneteweyî yê NYyî, Wezaretîya Karanê Teberî ya Swîsreyî, Rêxistinê Efî yê Mîyanneteweyî û Rêxistinê Heqanê Merdiman ê Mîyanneteweyî rê ameye pêşkêşkerdene. 

Hetê temsîlkarîya Îdareyê Xoserî ya Beneluksî ra dosya temsîlkarîya Yewîya Ewrûpa, temsîlkaranê parlamentoya Belçîka û Hollanda, NY, Rêxistinê Efî yê mîyanneteweyî, ofîsanê heqanê merdiman û konsolxaneyanê welatanê Ereban ê Belçîka rê ameye pêşkêşkerdene.

Temsîlkarîya Îdareyê Xoserî ya Îskandînavya ra zî dosya partîyanê sîyasîyan ê Swêdî, wezaretîyanê karanê teberî û pawitoxîye yê Swêdî, Merkezê Cigêrayîşî yê Palmeyî û wezaretîyanê karanê teberî yê Norveç û Danîmarka rê ameye pêşkêşkerdene.

MERKEZÊ XEBERAN