Başûr de 10 mengan de 10 sîvîlî ameyî qetilkerdene

Tîmanê Înşaya Aştîye ya Komelkîye (CPT) eşkera kerde ke netîceya hêrişanê dewleta tirkan de Başûrê Kurdistanî de 10 sîvîlî kişîyayî.

Goreyê dayeyanê CPTyî 1ê çeleyê 2023yî ra nata Başûrê Kurdistanî de 10 sîvîlî bi destê dewleta tirkan ameyî qetilkerdene.

Goreyê eşkerayîye mabênê 1ê çeleyê 2023yî û 17ê teşrîna verêna 2023yî de hêrişanê dewleta tirkan de 10 sîvîlî ameyê qetilkerdene û 12 kesî zî birîndar bîyê.

Goreyê eşkerayîye 6 sîvîlî bi droneyê çekdarî, 3 sîvîlî bi hêrişanê hewayî û 1 sîvîl zî bi mayînî ameyî qetilkerdene. 2 sîvîlî bi guleyan û 1 sîvîl bi mayînî birîndar bîyî.

CPTyî vat: “Artêşa tirke nîsana 2022yî ra nata qasê bi seyan kîlometreyan dekewta erdê Başûrê Kurdistanî. Dewleta tirkan teyna gerîlayanê PKKyî ney hemwelatîyan, citkaran û dewijanê Başûrî kena hedef.”

Dewleta tirkan 2016 ra nata hêrişanê xo yê vera Başûrê Kurdistanî de tewr tay 600 sîvîlî qetil kerdî.

XWEBÛN