KJKyî qetilkerdişê Firyal Silêman Xalide şermezar kerd

Aktîvîste Firyal Silêman Xalide 18ê çeleyî de netîceya suîkastêkî Kerkûk de amebî qetilkerdene. Koordînasyonê KJKyî qetilkerdişê aye şermezar kerd.

Koordînasyonê KJKyî qetilkerdişê sîyasetmedare Firyal Silêman Xalide şermezar kerd û eşkera kerd ke ê do kiştoxan ra qetî hesab bipersê.

Koordînasyonê KJKyî bi eşkerayîyêke qetilkerdişê sîyasetmedare Firyal Silêman Xalide şermezar kerd. Eşkerayîye de tayê nuqtayê muhîmî wina yê:

“Dewleta tirke ya faşîste, kiştoxa cinîyan û qirkere ancî rîyê xo yo tarî û gemarin bi qetilkerdişê Firyal Silêman Xalide mojna. Ma embaza xo ya şehîde bi minet û rêzî yad kenê, soz danê ke wayîrê têkoşînê aye yê 30 serran vejîyê. Ma do dewleta tirke ya faşîste, hemkaranê ci û tetîkkêşanê ci ra hesab bipersê û nê qetilkerdişî bi nefretî şermezar kenê.

Îqtîdarê AKP-MHPyî yo faşîst 2013 ra nata bi hawayêkê sîstematîkî cinîyan ê şorişgêr û sîyasetmedaran ê kurdan keno hedef. Qirkerdişê Parisî yê 9ê Çeleyê 2013î ra nata Ewropa, Vakur, Başûr û Rojawanê Kurdistanî de dewleta tirke bi desan cinîyê şorişgêr, sîyasetmedar û aktîvîstî qetil kerdî. Bêguman seba ke cinîyê kurdî 50 serranê têkoşînî de bi feraset û hayîdarîya xo bîyê serkêşê têkoşînê azadîye nê cînayetî yenê kerdene. Dewleta tirke kena ke na asta cinîyan ê kurdan apey bera û vana qey bi qetilkerdiş û tersnayîşî eşkera cinîyan têkoşîn û xoverdayîşî ra dûrî bikera. La pratîkê 50 serran mojna ke dewleta tirke xelet a. Her qirkerdiş û qetlîam qerardarî û îradeyê cinîyan xurt kerd.”

XWEBÛN