- Ressam Rûken Ekîncî ya ke bi malzemeyanê eşteyan resmanê xo virazena va, “Ez resmanê xo de nasnameyê Kurdan û cinîyan dana teber û bandorê şerî teşhîr kena.”
Rûken Ekîncî, bi pelan, kincanê kahanan, xalîyan û komirî bi awirê cinîyan resmanê xo virazena. Domantîya x ora nat resimî reyde eleqedar a û bi têpîya gurînayîşî şekil dana tabloyanê xo. Bi wesîleyê 25ê Teşrîna Peyêne Şanoya Bajêr a Amedî de pêşengeya aye abîye. Ekîncî derheqê huner û berhemanê xo de qisey kerd.
Resmanê aye de motîfê Kurdan estê
Rûken Ekîncî va, “Resmanê mi de ekseri motîfê Kurdan estê. Malzemeyê mi zî çîyê eştî yê. Ez înan newe ra gurînena. Ez înan çarnena berhemanê hunerî. Ez resmanê xo nasnameyê xo, tarîxê xo, heqanê xo û coğrafyaya xo dana teber. Ez resmanê xo de esasê xo de behsê rewşa xo, nasnameyê cinîyan û nasnameyê Kurdan kena.”
‘Binê huyayîşê aye de azadîye’
Tabloya Jîna Emînî zî hetê aye ra ameye xêzkerdena. Ekîncî va, “Jîna Emînî hetê polîsanê exlaqî yê bêexlaqan ra ameye qetilkerdiş. No xeylê mi ser o bandor kerd. Mi waşt ez aye xêze bikerê. Mi xozaye ra havile girerwte. Mi huyayîşê aye xêz kerd la hêsîrê aye zî estê. Mi hêsîrê ci sey xelatî xêz kerd.”
‘Ez şerî teşhîr kena’
Ekîncî va bandoranê şerî ser o va, “Problemê ma zîhnîyetê şerî û erîlî ver peyda benê. Wazenê bi tehda û zordarîye zîhnîyetê x oma ser de bar bikerê. Îhtîyacîya m abi exlaqê înan çin o. Ez bi tabloyanê xo zîhnîyetê şerî yê muqtedîran û exlaqê înan teşhîr kena. Ez nê meseleyan ser o xêz kena û ez do hunerê xo biramna.”
MA / AMED
parvê bike
Nûçeyên ku dikare bala we bikşîne
