Buroyê Vateyî yê Amedî de atolyeya resim û hunerî virazîyena

Buroyê Vateyî yê Amedî mabênê 26-31ê tebate de seba domanan atolyeya resim û henerî serûber keno û gedeyanê mabênê 5-10 serran paweno.

Buroyê Vateyî yê Amedî seba domanan atolyeya resim û hunerî serûber keno. Atolyeya ke aşma temmuze de dest pê kerd, do mabênê 26-31ê tebaxe de zî bêro akerdene. Domanê mabênê 5-10 serran eşkenê beşdarê ci bibê.

Grûba Morceleyê Kirmanckî û Buroyê Vateyî eşkerayîyêka winayêne kerde:

“Embazê delalî merheba!

Ma bi nameyê Morceleyê Kirmanckî û Buroyê Vateyî seba domananê/tutanê ma yê kirmancan Atolyeya Resim û Hunerî virazenê. Na, atolyeya ma ya diyin a.
Gedeyê ma do Buroyê Vateyî yê Dîyarbekirî de bi boyaxanê cîya-cîyayan resman virazê, dinyayêka bîne keşf bikerê, derheqê resmî de teknîkanê cîya-cîyayan bimusê û bişuxulnê û hetê hunerî ra xo aver berê.”

Domanî do atolyeya diyine de nê çîyan bimusê:

Xebatê Atolyeya Resim û Hunerî
    •    Xebata Piroşanayîşê Boyaxan
    •    Xebata Dotişê Boyaxan
    •    Xebata bi Pîpete Pifkerdişê Boyaxan
    •    Xebata Dewisnayîşê Firçeyî
    •    Xebata Moranê Renginan
    •    Xebata Morê Engiştan
    •    Xebata Morê Destan
    •    Kaxida Zimpara Ser o Xebata Boyaxê Pastelî
    •    Xebata Hunerê Layî
    •    Xebata Morê Pelan
    •    Xebata Boyaxê Guajî
    •    Xebata Dotiş û Pifkerdişê Boyaxan
    •    Xebata Dotiş û Çarnayîşê Boyaxan
    •    Xebata Kaxita Keskesûre
    •    Xebata Têmîyankerdişê Rengan
    •    Xebata Tîtiknayîşê Qirşikan

XWEBÛN