Dej û xoverdayîşê Efrînî xêze kena

HESNA MIHEMED / NÛJINHA / ŞEHBA

Koçberanê Efrînî ra ressam Şîlan Ico 4 serrî ra nat bi îlhamê maya xo resiman xêze kena.

Şîlan Ico ya Efrînije, sey bi hezaran kesan mecbûr menda ke keyeyê xo reyde koçê Şehba bikera. Şîlane nika 12 serrî ya û 4 serrî ra nat resiman xêze kena. Ressama ciwane endama Koma Resimî ya Mintiqaya Efrînî ya û na serranê xo de bi resimanê xo bîya beşdarê xeylê pêşenge û festîvalan.

‘Mi maya xo ra îlham girewt’

Şîlan Ico va, “Ez 8 serrîya x ora nat resiman xêze kena. Mi maya xo ra îlham girewt. Maya mi zî ressam bî. Ma Efrîn ra koç kerd ameyê Şehba û ma tîya de koma resimî awane kerde. Mi hêverî perwerde dî û dima mi dest bi xêzkerdişî kerd.”

‘Ma behsê xoverdayîşê Efrînî kerd’

Aye dîyar kerd ke, asta destpêke ra dima hîna tabloyê başî viraştê û va, “Mîyanê kome de tewr ciwan ez a. Ez bi resimanê xo bîya beşdarê pêşengeyanê Şehbayî. Ma resmanê xo de bale ante koçî ser û xovedayîşê Efrînî ser. Ma bale ante rewşa domanan ser ke, ê xîlal û wendegehanê xo ra mehrûm mendê. Ez beşdarê 4 pêşengeyan bîya. Ez resimanê xo de bale ancena veng û reng û dejanê Efrînî ser û wazena nînan birasna pêro dinya.”

Binê şertanê zehmetan de perwerdeyê xo dewam kena

Ressama ciwane peynî de va, “Ma nika Şehba de koçber ê û binê ablûkayî de yê. Nê ma rê asteng nîyê ke ma xeyalanê xo ca biyarê. Ma serd û seqemî de perwerdeyê xo ramnenê. Ma teslîmîyetî qebul nêkenê. Xoverdayîşê ma tîya de dewam keno.”