Ewrûpa de bi nameyê ‘Bi Çimanê To Welat’ musabeqaya resimî

Bi rayberîya cinîyanê Kurdan ê ciwanan, Ewrûpa de musabeqaya resimî dîyaye dest pêkerdene.

Ewrûpa de bi rayberîya çend cinîyanê Kurdan ê ciwanan musabeqaya resimî dîyaye dest pêkerdene. Beşdarî eşkenê resim, kolaj û fotografanê xo bierşawê adrese E-Maîlî yê (bicawente.w@proton.me) yan zî Înstagramê (bicawente_welat)î.

Dima do hetê jurîyan ra her beşî de berhemî bêrê weçînitiş. Aşma Nîsane de zî do pêro berhemî pêşengeye de bêrê ramojnayene. 

Jurîyê musabeqaye de ressamê Kurdî Asli Fîlîze, Berîvan Dogane û ressama Efgane Leîla Maussa ca genê.

Seba ke bieşkê bibê beşdarê musabeqayê, ganî versîyonê jîjîtalî yê berhemî, nameyê berhemî û nameyê berhemdayoxan bêrê dîyakerdiş û bin o qeyde beşdarîye biba.

Malûmatê komîteya tertîpî de ame vatiş ke, “Huner seba dinyayêka newîye rayîran akeno. Her kes hîsanê xo bi tewirêk dano teber. Wa vengê cinîyanê Kurdistanî berz bibo û bandorêk bikero. Cinîyî hem hetê eskerî, kulturî û hunerî ra pawitoxê welatî yê. La Kurdistan hema zî letebîyaye yo û binê îşxalî de yo. Hîsê ma yê derheqê welatî zaf muhîm ê. Îfadekerdişê heskerdişê welatî zî çalakîyêk a.”

MERKEZÊ XEBERAN