Hetê Yewîtîya Êzidîyan a Efrînî û Yewîtîya Cinîyanê Êzidîyan ra Şehba de pêşengeya qetlîamê Şengalî ameye akerdene.
Pêşengeye dezgeyê komela sîvîle, Îdarekarê Îdareyê Xoserî yê Efrînî û xeylê welatîyî ameyê têhet.
Pêşengeye de Hemserekê Yewîtîya Êzidîyan Ayşe Sîdo qisey kerd û va, “Ma şehîdanê fermanî yad kenê û ma sozê heyfgirewtişî danê înan.”
Endamê Îdareyê Xoserî yê Efrînî Silêman Caferî va, “Îşxalkarî û dişmenî wazenê Kurdan û kulturê înan çin bikerê. Seba ke Êzidîyî pawitoxê kulturê Kurdan ê raştê hêrîşan û qirkerdişan yenê.”
Badê qiseykerdişan bi Kurdkî, Erebkî û Îngîlîzkî vilawekêk ame wendene. Malûmatî de ame vatiş ke ganî komela mîyanneteweyî vera hêrîşan vindera û Îdareyo Xoser bêro şinasnayîş.
ANHA / ŞEHBA