Birca Beleke de qeydî dest pêkerdê

• Komeleya Ziwan û Kulturî ya Birca Beleke de qeydê dewrê neweyî dest pêkerdê.

SEMA ÇAGLAK / JINNEWS / ŞIRNEX

Komeleya Ziwan û Kulturî ya Birca Beleke, 2018î de Şirnex Cizîr de ameye ronayene û ê wextî ra nat xebatanê ziwan û kulturî ramnena. Komele de qeydê dewrê neweyî dest pêkerdê. Perwerdeyî do bi Kurmanckî bêrê dayene. Derheqê xebatanê komeleye de mamosteyanê komeleye ra Fatma Gîzleyîcîye malûmatî dayê.

Vera asîmîlasyonî xoverdayîş

Fatma Gîzleyîcîye va, “Ma aşmêk verî cû kongreya xo viraşte. Ma do warê ziwan û kulturî de xebatanê cîya-cîyayan bikerê. Serran ra nat ziwanê ma ser de tehdayî estê û  polîtîkayê asîmîlasyonî yenê ramitene. Ma wazenê bi xebatanê xo ziwanê bipawê. Ma wazenê ziwan û kulturê xo bimusnê şarî.”

Ganî her keye bibo wendegeh

Gîzleyîcîye va, “Ma ganî bi xebatan ziwanê xo aver de berê. Serranê peyênan de bi taybetî ciwanî ziwanê xo ra kewenê dûrî. Eke no nîya dewam bikero, do talûkeyêk peyda bibo. Coka perwerdeyê ziwanî zaf muhîm o. Ma ke ziwanê xo ra dûrî bikewê, ma do estbîyayîşê xo ra zî dûrî bikewê. Ganî her keye keyeyê xo bikero wendegeh û ziwanî bimusno domananê xo.”

Seba qeydan gazîye

Fatma Gîzleyîcîye seba qeydan gazîye kerde û va, “Ma wazenê wa Cizîrijî bêrê qeydanê xo bivirazê û seba ke ziwanî bipawê berpirsîyarîya xo ca biyarê. Ma do seba her kesî kursan akerê. Kursê ma çar ast ê. Her aste de do 20 kesî bibê. Hûmarê ke temam bibê, ma do dest pê perwerdeyan bikerê.”